दुधकोशी हाईड्रोपावर : कोरोना संक्रमित आइसोलेसनमा, १४ जना क्वारेन्टीनमा

  हिमाल समाचार  566 पटक हेरिएको

सोलखुम्बु – सोलुखोला दुधकोशी हाईड्रोपावरमा काम गर्ने १४ जना कामदारलाई क्वारेन्टीमा राखिएको छ ।

सोलुखुम्बुमा निर्माणाधिन ८६ मेगावाटको आयोजनाका २५ कामदारलाई आइतबार कोरोना संक्रमण पुष्टि भएपछि उनीहरुको सम्पर्कमा पुगेका र शंकास्पद लक्षण देखिएका १४ जना कामदारलाई क्वारेन्टीनमा राखिएको हो ।

निर्माण कम्पनी सिइ कन्स्ट्रक्सनका जनसम्पर्क अधिकृत प्रकाश दाहालले संक्रमितको अवस्था सामान्य रहेको र शंकास्पद लक्षण देखएका व्यक्तिलाई क्वारेन्टीनमा राखिएको बताए ।
क्वारेन्टीनमा राखिएको पिसिआर परीक्षणको तयारी गरिएको छ । आयोजनाको काम भने जारी राखिएको कम्पनीले जनाएको छ ।

यता, आइतबार ४ कोरोना संक्रमित पहिचान भएको सोलुदुधकुण्ड नगरपालिका २ बेनीबाट संक्रमित व्यक्तिको सम्पर्कमा रहेका व्यक्तिको स्वाब संकलनको तयारी गरिएको छ ।

वडाअध्यक्ष मिंमार दोर्जी शेर्पाका अनुसार मंगलबार स्वाब संकलन गरिनेछ ।

त्यस्तै, फाप्लु (यर्मादिङ)को क्वारेन्टीन र आइसोलेसनमा रहेका संक्रमितको समेत सोमबार स्वाब संकलन गरिने जिल्ला अस्पताल फाप्लुले जनाएको छ ।

तपाईको प्रतिक्रिया

सम्बन्धित समाचार