सोलुखुम्बु – सोलुखुम्बुका एक शिक्षक अभिभावक संघका अध्यक्ष कुटिएका छन् ।
सोलुदुधकुण्ड नगरपालिका १ टाक्सिन्दु स्थित बाबुछिरि आधारभुत विद्यालयको शिक्षक अभिभावक संघका अध्यक्ष सोनाम शेर्पामाथि सोमबार बैठक बसिरहेको स्थानमै स्थानियले कुटपिट गरेको बताइएको छ ।
स्थानीय सोनाम शेर्पा, ङिमा शेर्पा, र छेवाङ शेर्पालाई अध्यक्ष शेर्पामाथि कुटपिटकोे आरोप लागेको छ । विदेशी डोनरले शिक्षकलाई दिएको तलबका विषयमा विवाद हुँदा घट्ना घटेको स्थानियले बताएका छन् ।
आफु माथि कुटपिट भएको भन्दै शिक्षक अभिभावक संघ अध्यक्ष शेर्पाले कारबाहीको माग गर्दै प्रहरी चौकी नुनथलामा उजुरी दिएका छन् । यता विद्यालय प्रशासनले पनि सामान्य कुटपिट भएको बताएको छ । घटनाबारे छानविन शुरु गरेको प्रहरीले जनाएको छ ।
