काठमाडौं-एक सचिव बढुवाका लागि ३ सह-सचिवको नाम सिफारिस भएको छ । लोक सेवा आयोगका अध्यक्ष उमेश मैनालीको नेतृत्वमा रहेको सचिव बढुवा समितिले एक जना सचिव बढुवाका लागि सह–सचिव सुमन अर्याल, भरतमणि सुवेदी र मुकुन्द पौड्याको नाम मन्त्रिपरिषदमा सिफारिस गरेको हो ।
बढुवाका लागि सिफरिस गरेका सह-सचिवमध्ये अर्याल तथ्यांक विभागमा, सुवेदी ५ नम्बर प्रदेशको मुख्यमन्त्री कार्यालयमा र पौड्याल राष्ट्रिय सूचना आयोगमा कार्यरत छन् ।
३ जनामध्ये १ जनालाई मन्त्रिपरिषद् बैठकले सचिवमा बढुवा गर्नेछ। पुष २१ गते लोक सेवा आयोगबाट सचिव आनन्दराज ढकालले अवकाश पाएपछि एक सचिवको पद रिक्त छ ।
