खोटाङ- दिक्तेल रुपाकोट मझुवागढी नगरपालिका–१२ जालपाका लाभग्राहीको बैंक खाता खोल्न शिबिर गरिएको छ ।
सामाजिक सुरक्षा भत्ता वैंकिङ प्रणाली मार्फत वितरण गर्नका लागि खाता आवश्यक हुदाँ ती लाभग्राहीलाई लक्षित गरी शिविर संचालन गरिएको हो ।
शिविरबाट खाता खोल्न दिक्तेलसम्म पुग्न नसक्ने वृद्धबृद्धा, बालबालिका एवं शारीरिक रुपमा अशक्त व्यक्तिले लाभ लिएका छन् ।
ग्लोबल आइएमई बैंक शाखा दिक्तेलका कर्मचारी युवराज खत्रीले जालपाका २५७ जनाले खाता खोलेको जानकारी दिनुभएको छ ।
यसैगरी खोटाङको साकेला गाउँपालिकामा पनि बैंक खाता खोल्न शिविर संचालन गरिएको छ ।
नेपाल एसविआई बैंकको शाखा कार्यालयले गाउँपालिकासँग भएको सम्झौता अनुसार शिविर संचालन भएको हो ।
साकेला गाउँपालिका–१ बाँझेच्यानडाँडाको २ स्थानमा गरिएको शिविरमा २ सय जनाले खाता खोलेको गाउँपालिका अध्यक्ष अर्जुन खड्काले जानकारी दिनुभयो ।
