सोलुखुम्बु – माप्यदुधकोशी गाउँपालिका ३ बासामा दर्जन भन्दा बढि व्यक्ति नेकपा परित्याग गरि काँग्रेस प्रवेश गरेका छन् ।
कांग्रेस वडा समितिको आयोजना गरेको पार्टी संगठन विस्तार कार्यक्रममा नेकपा सरकार भ्रष्टाचारमा लिप्त भएको र जनउत्तरदायि नबनेको भन्दै उनीहरु काँग्रेस प्रवेश गरेका हुन् ।
चेत सिंह कार्की सभापति रहने गरि ३१ सदस्य काग्रेसको वडा कमिटि गठन गरिएको छ ।
त्यस्तै, पुर्णबहादुर कार्कीको अध्यक्षतामा ४५ सदस्य तरुण दलको वडा समिति गठन गरिएको सहकर्मी ललित कार्कीले जानकारी दिए ।
नेपाल महिला संघको वडा समिति अध्यक्षमा डम्बर कुमारी कार्कीलाई चयन गरिएको छ । सो समिति २५ सदस्सीय रहेको छ ।
कार्यक्रममा काँग्रेस सोलुखुम्बुका जिल्ला सभापति विनोद बस्नेतले नेकपा सरकारले भ्रष्ट्राचार मात्रै गरेको आरोप लगाए ।
जनताको मत लिएर विकास गर्नुको साटो संसद विघटन गरेर राज्यमाथी आर्थिक भार थुपार्ने काम गरेको बताए । कार्यक्रममा काँग्रेस महासमिति सदस्य खिलराज बस्नेत, भोजराज कार्की लगायतका नेता तथा कार्यकर्ताको उपस्थिती रहेको थियो ।
