काठमाडौँ- सरकारले माघ ३० गते सार्वजनिक बिदा दिने निर्णय गरेको छ । सोमबार बसेको मन्त्रिपरिषद् बैठकले सोनाम ल्होछारको अवसरमा सार्वजनिक बिदा दिने निर्णय गरेको हो ।
सरकारले यसअघि कार्यदिन बढाउन भन्दै ल्होछार, माघे संक्रान्तिलगायत चाँडपर्वको बिदा कटौती गरेको थियो ।
तर, सरकारले पुन: पहिले बिदा दिएका दिनलाई सार्वजनिक बिदा दिने निर्णय गरेको हो ।
तामाङ, ह्योल्मोलगायत हिमाली समुदायले सोनाम ल्होछारलाई नयाँ वर्षको रुपमा मनाउने गर्छन् ।