सोलुखुम्बु – सोलुखुम्बुमा भालुको आक्रमणबाट उक जना घाईते भएका छन् । घाईते हुनेमा सोलुदुधकुण्ड नगरपालिका ४ खोलाघारीका अन्दाजी ५१ वर्षीय निमा तामाङ रहेको जिल्ला प्रहरी कार्यालय सोलुखुम्बुले जनाएको छ ।
कार्यालयका सुचना अधिकारी प्रहरी निरीक्षक रामकिशोर शाहका अनुसार आज आईतबार विहान अन्दाजी १० बजे गोठ जाने क्रममा भालुले आक्रमण गरी घाईते बनाएको हो ।
भालुको आक्रमणबाट टाउको, अनुहार, घाँटी र खुट्टामा चोट लागेका तामाङको जिल्ला अस्पताल फाप्लुमा उपचार भईरहेको प्रहरी निरीक्षक शाहले बताउनुभयो ।
