सोलुखुम्बु : आज बिहिवार साझ वर्षासहित परेको चट्याङका कारण सोलुखुम्बुमा एक माउ भैंसी मरेको छ भने एक जना घाइते भएका छन् ।
साझ करिब ६:३० बजे परेको चट्याङले थुलुङ दुधकोशी गाउँपालिका-३ पन्चनका ओम बहादुर विश्वकर्माको एक माउ पाडो भैंसी घटनास्थल मै मरेको स्थानीय केशव प्रसाद कोइरालाले जानकारी दिनुभयो ।
उहाँका अनुसार दूध दुदै गर्दा परेको चट्याङले धनी ओम बहादुर घाइते हुनुभएको छ । बेहोस हुनुभएका विश्वकर्माको अहिले सामान्य होस खुलेको बताइएको छ ।
घटनास्थलमा प्रहरी खटिएको जिल्ला प्रहरी कार्यालय सोलुखुम्बुले जनाएको छ ।
