सोलुखुम्बु – ओखलढुंगाको खिजीदेम्बामा चट्याङका कारण एक जनाको मृत्यु भएको छ । मृत्यु हुनेमा खिजिदेम्बा गाउँपालिका-४ लोसाका अन्दाजी ३८ वर्षीय बमन बहादुर तामाङ रहेको जिल्ला प्रहरी कार्यालय ओखलढुंगाले जनाएको छ ।
प्रहरी निरीक्षक बालिष्टार सिंहका अनुसार विहिबार बेलुका करिब ७ : ३० बजेको समयमा वर्षासँगै परेको चट्याङले तामाङको मृत्यु भएको हो ।
घरमा बसिरहेको अवस्थामा अचानक चट्याङ लागेर ढलेका तामाङको सोही समयमा ज्यान गएको प्रहरी निरीक्षक सिंहले बताउनुभयो ।
घटनाको कानुनी प्रक्रिया पूरा गर्न प्रहरी टोली सो स्थानमा परिचालन गरिएको ओखलढुंगा प्रहरीले जनाएको छ ।