सोलुखुम्बु – सोलुखुम्बुकोे थुलुङ दुधकोशी गाउँपालिकामा सञ्चालित घुम्ती शिविरबाट ४८ जना अपाङ्गता भएको व्यक्ति पहिचान गरिएको छ ।
शिविरमा ३९४ जनाको स्वास्थ्य परीक्षण गरिएको छ भने ४८ जना नयाँ अपाङ्गता भएको व्यक्ति पहिचान र वर्ग अनुसारको परिचयपत्र वितरण गरिएको गाउँपालिका प्रवक्ता भोजराज कार्कीले जानकारी दिनुभयो ।
‘क’वर्गका ५ जना, ‘ख’वर्गका २१ जना, ‘ग’वर्गका १९ जना र ‘घ’वर्गका ३ जना गरी ४८ जना नयाँ अपाङ्गता भएका व्यक्तिको पहिचान गरिएको हो । वडा नम्बर ९ लोखिमबाट सुरु भएको शिविर वडा नम्बर ६ मुक्लिमा सञ्चालन गरी समापन गरिएको थियो ।
शिविर समापन गर्दै पालिका अध्यक्ष असीम राईले जनतालाई घर आँगनमै सेवा प्रवाह गर्ने पालिकाको नीति अन्तर्गत अभियान सञ्चालन भएको पालिका अध्यक्ष असीम राईले बताउनुभयो ।
उहाँले अभियानमा जोडिनुहुने सबै जनप्रतिनिधिहरू, कर्मचारीहरू तथा स्वाथ्यकर्मीहरुलाई धन्यवाद समेत दिनुभयो ।
