सोलुखुम्बु – ओखलढु्ंगाको सुनकोशी गाउँपालिका–५ मुलखर्कमा तरुण दल खुल्ला फुटबल प्रतियोगिता हुने भएको छ । नेपाल तरुण दल सुनकोशी गाउँपालिका समितिको आयोजनामा यही जेठ २८ गतेबाट दोश्रो सुनकोशी तरुण दल खुल्ला फुटबल प्रतियोगिता हुने भएको हो ।
सुनकोशी गाउँपालिका–५ मुलखर्कमा हुने उक्त प्रतियोगितामा प्रथम, द्वितीय र तृतीय हुने टिमले क्रमशः नगद रू एक लाख, ७० हजार र ४० हजारको साथमा शिल्ड, मेडल र प्रमाणपत्र प्रदान गरिने आयोजकले जनाएको छ ।
विधागततर्फ वेष्ट स्ट्राइकर, वेष्ट प्लेयर, वेष्ट गोल किपर, वेष्ट मिडफिल्टर, वेष्ट डिफेन्डर र वेष्ट कोचलाई नगद रू ५/५ सय प्रदान गरिने आयोजकलाई उदृत गर्दै संवाददाता पासाङ शेर्पाले जानकारी दिनुभयो ।
जेठ २५ गतेदेखि २८ गतेसम्म हुने प्रतियोगिताका लागि जेठ २४ गते बिहान १० बजेसम्म टिम दर्ता गर्न सकिने आयोजक नेपाल तरुण दल सुनकोशी गाउँपालिका समितिले जनाएको छ ।
