सोलुखुम्बु । ट्रेकिङ एजेन्सीज् एशोसयिशन अफ नेपाल टानको बरिष्ट उपाध्यक्षमा सोलुखुम्बुका कर्मा शेर्पा निर्वाचित हुनु भएको छ । आज बिहान सम्पन्न मत परिणाम अनुसार शेर्पाले बरिष्ठ उपाध्यक्षको पद १ मा ५ सय ५८ मत ल्याउदै विजयी हुनुभएको छ ।
उहाँका प्रतिद्वन्द्वी सोलुखुम्बुकै चोलेन्द्र बहादुर कार्कीले ४ सय ८६ मत प्राप्त गर्नु भएको छ । यस्तै टानको अध्यक्षमा सागर पाण्डेले ५ सय ८० मत ल्याएर विजयी हुँदा अर्का राजेन्द्र प्रसाद सापकोटाले ४ सय ८० मत प्राप्त गर्दे पाण्डेसँग पराजित हुनु भएको छ ।
यसैगरी प्रथम उपाध्यक्षमा विष्णु प्रसाद लम्सालले ५ सय ३५, द्वितिय उपाध्यक्षमा सनम शेर्पाले ५ सय ४४ मत प्राप्त गरेर विजय हुनु भएको छ । महासविचमा सोनाम ग्याल्जेन शेर्पा, सचिवमा रिन्जी जाङ्बु शेर्पा, कोषाध्यक्षमा गौतम राज वाग्ले, सह–कोषाध्यक्षमा लाक्पा तेम्बा शेर्पा निर्वाचित हुनु भएको छ ।
यसै गरी महिला सदस्यमा पबित्रा तामाङ निर्वाचित हुँदा खुल्ला सदस्यहरुमा छाप्ते लामा शेर्पा, राज गुरुङ, फुर्वा छिरिङ भोटे, सागर राई, विकास गुरुङ, होम बहादुर विश्वकर्मा, विनोद कुमार तामाङ र अम्बिर बहादुर गुरुङ निर्वाचित हनु भएको छ ।
बरिष्ठ पदमा विजयी हुनु भएका शेर्पा भने हिमाली सञ्चार लिमिटेडका सञ्चालक समितिका सदस्य समेत हुनुहुन्छ । उहाँ विगत लामो समयदेखी पर्यटन क्षेत्रमा सक्रिय हुनुहुन्छ । नयाँ नेतृत्व चयनका लागि टानको निर्वाचन सोमबार भएको थियो ।
