सोलुखुम्बु । अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) जिल्ला कमिटीको नवौं जिल्ला सम्मेलन सम्पन्न भएको छ । आज शुक्रबार जिल्ला समन्वय समिति सल्लेरीमा नवौं जिल्ला सम्मेलन सम्पन्न भएको हो ।
उक्त सम्मेलनले सोनाम शेर्पाको अध्यक्षतामा ३५ सदस्य जिल्ला कमिटी सर्वसम्मत निर्वाचित गरेको छ ।
पार्टीका केन्द्रीय सदस्य तथा जिल्ला इन्चार्ज पुर्व सांसद हेमकुमार राईको प्रमुख आतिथ्यता, पार्टी प्रदेश सचिवालय सदस्य तथा जिल्ला सह–इन्चार्ज एवम् थुलुङ दुधकोशी गाउँपालिका अध्यक्ष असिम राई, जिल्ला संयोजक नाम्गेल शेर्पा लगायतको उपस्थिति रहेको थुलुङ दुधकोशी गाउँपालिका प्रवक्ता भोजराज कार्कीले जानकारी दिनुभयो ।
विद्यार्थीका जिल्ला इन्चार्ज अम्बिर कुलुङको सभापतित्व सम्पन्न भएको सम्मेलनमा विभिन्न विद्यालयबाट करिब २ सय विद्यार्थी प्रतिनिधि आएका थिए । बन्द सत्रले प्रदेश र केन्द्रीय प्रतिनिधि समेत छनौट गरेको बताइएको छ ।
