सोलुखुम्बु । निजामती कर्मचारी सेवा दिवसको अवसरमा सोलुखुम्बुमा कार्यरत्त मा ९ जना राष्ट्र सेवक कर्मचारी पुरस्कृत भएका छन् । आज शनिबार जिल्ला प्रशासन कार्यालय सोलुखुम्बुले विभिन्न कार्यालयमा कार्यरत्त ९ जना उत्कृष्ट कर्मचारीहरुलाई कदरपत्रसहित पुरस्कृत गरेको हो ।
जिल्ला प्रशासनले आयोजना गरेको ब्याडमिन्टन प्रतियोगिताको अवसरमा जिल्ला प्रशासन कार्यालय सोलुखुम्बुमा कार्यरत कार्यालय सहयोगी तेज बहादुर कटुवाल उत्कृष्ट कर्मचारी घोषित हुनुभएको छ ।
यस्तै जिल्ला सरकारी वकिल कार्यालयका न्याधिवक्ता बुद्विलाल श्रेष्ठ, सोलुखुम्बुका प्रहरी नायव उपरीक्षक द्वारिका प्रसाद घिमिरे, जिल्ला अस्पताल फाप्लुका कार्यालय प्रमुख प्रशान्त कु्मार शाह र इलाका प्रशासन कार्यालय सोताङका नायव सुब्बा नइन्द्र बहादुर बस्नेतलाई कदर पत्र प्रदान गरिएको छ ।
यस्तै शिक्षा विकास तथा समन्वय ईकाइका प्राबिधिक सहायक बिर्मा कुमारी खड्का डाँगी, जिल्ला प्रशासन कार्यालय सोलुखुम्बुका लेखापाल महेश भण्डारी, कार्यालय सहयोगी शान्तिराम कटुवाल र प्रहरी सहायक निरीक्षक जानुका कुमारी खड्का पनि पुरस्कृत हुनुभयो ।
उनीहरुलाई सोलुखुम्बुका प्रमुख जिल्ला अधिकारी देवी पाण्डे (खत्री), सोलुदुधकुण्ड नगरपालिका प्रमुख नाम्गेल जाङ्बु शेर्पा, उपप्रमुख गान्धीमाया तामाङ लगायतले कदर पत्र प्रदान भएको थियो ।
