सोलुखुम्बु । सोलुखुम्बुको गार्माका वडाध्यक्ष शेर्पाले अर्को वर्ष आयोजना गरिने दोश्रो वडा अध्यक्ष रनिङ शिल्डमा प्रतियोगितमा डबल पुरस्कार हुने घोषणा गर्नु भएको छ ।
जिल्लाको सोलुदुधकुण्ड नगरपालिका ७ नम्बर वडा कार्यालय गार्माले आयोजना गरेको जिल्ला व्यापी प्रथम वडा अध्यक्ष रनिङ शिल्ड भलिवल प्रतियोगिताको समापनमा बोल्दै वडा अधयक्ष सोनाम ग्याल्जेन शेर्पाले यस्तो बताउनु भएको हो ।
उहाँले यस वर्ष आयोजना गरिएको जिल्ला व्यापी प्रथम वडा अध्यक्ष रनिङ शिल्ड भलिवल प्रतियोगिताको तुलनामा अर्को वर्ष आयोजना गरिने सोही प्रतियोगितामा पुरस्कार राशी डबल हुने बताउनुभएको छ ।
उहाँका अनुसार आगामी साल हुने प्रतियोगिताको प्रथम, दोश्रो, तेस्रो र सान्त्वना स्थान हासिल गर्नेहरुले क्रमशः २ लाख २ हजार, १ लाख ५० हजार, १ लाख र ५० हजार पुरस्कार प्राप्त गर्ने उहाँको भनाइ छ ।
