सोलुखुम्ब, चैत २४ । आज देशका धेरै ठाउँमा मौसम धुम्म छ । कोशीका एक,दुई ठाउँमा छिटपुट वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
विशेषगरी पहाडी क्षेत्रमा मौसम आंशिक बदली रहेको छ । पश्चिमी वायु तथा स्थानीय वायुको आंशिक प्रभाव रहेका कारण केही ठाउँमा बदली भएको हो । कोशी र गण्डकीका उच्च पहाडी तथा हिमाली एकरदुई ठाउँमा हिमपातको पनि सम्भावना छ ।
काठमाण्डौमा वायु प्रदूषण उच्च भएकाले सतर्कता अपनाउन आग्रह गरिएको छ । वर्षा या ठूलो हावा चल्यो भने मात्रै प्रदूषण कम हुन्छ । पर्सी मङ्गलबारदेखि देशका धेरै ठाउँमा छिटपुट वर्षाको सम्भावना रहेको मौसमविद्ले बताएका छन् । यसले प्रदूषण केही घटाउने अनुमान छ ।
