सोलुखुम्बु – सोलुखुम्बुमा पछिल्लो २४ घण्टामा २८ जना कोरोना संक्रमित थपिएका छन् ।
जिल्लाको माप्य दुधकोशी गाउँपालिकामा गरिएको एन्टिजेन परिक्षणमा २४ जना र खुम्बु पासाङ ल्हामु गाउँपालिकामा ४ जनामा कोरोना संक्रमण पुष्टि भएको स्वास्थ्य कार्यालय सोलुुखम्बुले जनाएको छ ।
माप्य दुधकोशीमा काठमाण्डौबाट आएका ७४ जनामा गरिएको एन्टिजेन परिक्षणमा ११ जना महिला र १३ जना पुरुषमा कोरोना पुष्टि भएको स्वास्थ्य कार्यालयका सुचना अधिकारी रामनारायण शाहले जानकारी दिए ।
त्यस्तै खुम्बुमा स्थानीय ४ जना पुरुषलाई कोरोना पुष्टि भएको स्वास्थ्य कार्यालयले जनाएको छ । यो सँगै जिल्लामा कोरोना संक्रमतिको संख्या १११ पुगेको छ ।