सोलुुखम्बु – सोलुखुम्बुमा पहिलो डोज कोभिशिल्ड खोप लगाएका ९ हजारले दोस्रो डोज खोप पाउन सकेका छैनन् । जिल्लामा गत माघ यता कोभिशिल्ड खोप लगाएका ९ हजार जनाले दोस्रोे डोज अझै पाउन नसकेका हुन् ।
२०७७ माघ यता कोभिशिल्ड खोप लगाएका उनीहरुले दोस्रो डोज अझै पाउन नसकेको स्वास्थ्य कार्यालयका सुचना अधिकारी रामनारायण शाहले जानकारी दिए । शाहका अनुसार जिल्लामा अहिले सम्म २४ सयले कोभिशिल्डको पुर्ण डोज र १४ सयले भेरोसेलको पुर्ण गरि ३ हजार ८ सय नागरिकले मात्रै खोपको पुर्ण डोज पाएका हुन् ।
जिल्लाको खुम्बु पासाङल्हामु गाउँपालिकामा खोप लगाएका करिब ४ हजार भन्दा बढिलाई पनि दोस्रो डोज खोप मगाउने तयारी भएको छ । अब एक हप्ता भित्रमा जोनसन एण्ड जोनसन खोप र भेरोसेल गरि करिब ८ हजार डोज खोप पहिलो मात्राका लागि ल्याईने तयारी भएको छ ।
५४ वर्ष माथिकालाई जोनेन एण्ड जोनसेन र ५० देखि ५४ वर्ष उमेरका लागि भेरोसेल लगाउने तयारी भएको छ । यस अघि छुटपुट भएका फ्रन्टलाईनर, यातायात व्यवसायि, चालक, शिक्षक लगायतलाई खोप लगाईने छ ।
जोनसन एण्ड जोनसन खोप एक डोज मात्रै लगाएपनि हुने बताईएको छ ।