काठमाण्डौँ – नेपाली काङ्ग्रेस खोटाङका उपसभापति धर्मराज पोखरेलले काङ्ग्रेस गीत ‘देशै झलल’बजारमा ल्याएका छन् । पेशाले इन्जिनियर, समाजसेवा र गायनमा पनि उत्तिकै रुची राख्ने काङ्ग्रेस नेता पोखरेलले काङ्ग्रेस पार्टीको विचार र सिद्धान्तलाई गीतमा ढालेका छन् ।
शिव संगम राईको संगीतमा तयार भएको गीत ‘देशै झलल’मा गायक पोखरेल आफैँले शब्द संयोजन गरेका छन् । पोखरेललाई महिला गायनमा स्मृती शाहीले साथ दिएकी छिन् ।
त्रिताल स्टुडियोमा रेकर्ड गरिएको गीतमा सुन्दर लामाले संगीत संयोजन गरेका छन् । बागेश्वरी फिल्मस्को व्यानरमा निर्माण गरिएको भिडियो शंकर विसीले निर्देशन गरेका छन् । दुर्गा पौडेलले छायांकन गरेको भिडियो सम्पादन नविन घर्ती मगरले गरेका हुन् ।
गीतलाई धर्मराज पोखरेलको यूटुव च्यानलमा अपलोड गरिएको छ ।