सोलुखुम्बु – सोलुखुम्बुमा एक वृद्धालाई जबरजस्ती करणी गरेको आरोपमा एक जना पक्राउ परेका छन् । पक्राउ पर्नेमा थुलुङ दुधकोशी गाउँपालिका ३ का ५० वर्षीय तेज बहादुर कार्की रहेका छन् ।
करिब ५ दिन अघि एक ६३ वर्षीया बृद्धालाई जबरजस्ती करणी गरेको भन्दै परेको जाहेरीको आधारमा कार्कीलाई आज शुक्रबार पक्राउ गरिएको जिल्ला प्रहरी कार्यालय सोलुखुम्बुले जनाएको छ ।
कार्यालयका सुचना अधिकारी प्रहरी निरीक्षक राम किशोर शाहका अनुसार कार्कीलाई अहिले जिल्ला प्रहरी कार्यालयको हिरासतमा राखेर अनुसन्धान सुरु गरिएको छ ।
वृद्धाको जिल्ला अस्पताल फाप्लुमा चेकजाँच गरिएको अस्पतालले जनाएको छ ।