सोलुखुम्बु – सोलुखुम्बुको सोलुदुधकुण्ड नगरपालिका ११ तिङला चारघरेको एउटा गोठमा आगलागी हुँदा ४ वटा भैँसी र एउटा गोरु जलेर मरेका छन् ।
गएराती ८ बजे तिङलाका गंगा बहादुर कार्कीको गोठमा आगलागी हुँदा ३ वटा भैँसी, एउटा राँगा र एउटा गोरुको जलेर मृत्यु भएको जिल्ला प्रहरी कार्यालय सोलुखुम्बुले जनाएको छ ।
गोठमा बालेको आगो राम्रोसँग ननिभाई धनी घरमा जाँदा आगो सल्किएको वडाध्यक्ष टंक कार्कीले बताए ।
घटनाबाट ५ लाख बराबरको क्षति भएको जिल्ला प्रहरी कार्यालयका सुचना अधिकारी प्रहरी निरीक्षक राम किशोर शाहले जानकारी दिए ।
