सोलुखुम्बु – कारागार कार्यालय सोलखुम्बुमा ४८ प्रतिशत कैदीबन्दी यौनजन्य मुद्धाका रहेका छन् । कारागारमा रहेका कुल पुरुष कैदीबन्दी ७५ जनामा ३६ जना अर्थात ४८ प्रतिशत जबरजस्ती करणी मुद्धाका रहेको पाइएको हो ।
हाल कारागारमा महिला ११ र पुरुष ७५ गरी कुल ८६ जना कैदीबन्दी रहेका छन् । जस मध्ये यौनजन्य मुद्धाका पुरुष कैदीबन्दी बढी रहेको कारागारका निमित्त जेलर भानुभक्त पोखरेलले जानकारी दिनुभयो ।
जबरजस्ती करणी मुद्धाका ३६ मध्ये २९ कैदी र ७ जना थुनुवा रहेको उहाँले बताउनुभयो । उहाँका अनुसार ४ जना हाडनाता करणीका, ५ जना जबरजस्ती करणी उद्योगका, १ जना करणी गरी ज्यान मार्ने उद्योगका, करणी र ज्यान मार्ने उद्योगका १ जना र ३ जना सामुहिक करणी र कर्तव्य ज्यानका कैदीबन्दी रहेको कारागार प्रशासनले जनाएको छ ।
