सोलुखुम्बु । नेकपा एमालेको भातृ संगठन राष्ट्रिय युवा संघ नेपाल महाकुलुङ गाउँपालिका कमिटीको अध्यक्षमा केश कुमार कुलुङ चयन हुनुभएको छ । महाकुलुङ गाउँपालिका १ स्थित एमाले पार्टी कार्यालय हलमा आज शनिवार सम्पन्न पहिलो अधिवेशनले कुलुङको अध्यक्षतामा ५१ सदस्यीय पालिका कमिटी चयन गरेको हो ।
कमिटीको उपाध्यक्षमा समिर कुलुङ, सचिवमा दुइविर कुलुङ र उपसचिवमा रेश्मा कुलुङ चयन भएको युवा संघका जिल्ला अध्यक्ष किशोर कटुवालले जानकारी दिनुभयो ।
युवा संघका केन्द्रीय सदस्य तथा सोलुखुम्बु जिल्ला इन्चार्ज प्रवेश किराँतीको प्रमुख आतिथ्यता भएकोअधिवेशनमा जिल्ला अध्यक्ष किशोर कटुवालसहित एमाले सम्बद्ध अन्य नेता कार्यकर्ताहरुको पनि उपस्थिती रहेको थियो । महाकुलुङमा पहिलो पटक युवा संघको कमिटी गठन भएको बताइएको छ ।
