1860 पटक हेरिएको 
सोलुखुम्बुमा लामो समयदेखि निष्कृय बनेको उद्योग बाणिज्य संघले मनपरी मुल्य तोकेको उपभोक्ताले गुनासो गरेका छन् । फागुन १ गते उद्योग बाणिज्य सघंका पदाधिकारी र केही व्यवसायिको उपस्थितीमा छलफल गरि मनलागी मुल्य सुची बनाएको स्थानिय उपभोक्ताको गुनासो छ ।
मंहगी बढ्दो छ तर ढुवानी लागतको तुलनामा खाद्य तथा निर्माण सामाग्रीको ५० प्रतिशत सम्म नाफा खानका लागि मुल्य तोकेको स्थानिय लाक्पा शेर्पाले बताए । व्यवसायीको मनलागी मुल्य सुचीले उपभोक्ताको ढाड सेक्ने काम भएको उनको गुनासो छ । उनले भने, ‘सामान्यतया अहिले रम्बा चाउचाउ २० रुपैयामा पाउनुपर्ने हो । तर अहिले २५ पु¥यार्ईको रहेछ । खाने तेल र मैदाको त कुरै नगरम अब किनेर खाने स्थिती छैन ।’
८० रुपैँया केजीमा पाईने चिनी अहिले प्रतिकेजी १२० रुपैँया पु¥याईएको छ । अन्य खाद्यबस्तु र निर्माण सामाग्रीको समेत उद्योग बाणिज्य संघले मुल्य बृद्धि गरेर सल्लेरीका सबै पसलमा पु¥याएको छ । स्थानिय दिपक खड्काले मुल्य बृद्धि अव्यवहारिक भएको गुनासो गरे । उद्योग बाणिज्य संघले सबै पदाधिकारी र व्यवसायिको उपस्थितीमा मुल्य निर्धारण गरिएको जनाएको छ ।
यता, जिल्ला प्रशासन कार्यालय सोलुखुम्बुका प्रमुख जिल्ला अधिकारी बसन्त भट्टराईले चाडै उद्योगबाणिज्य संघ सँग यसबारेमा छलफल गर्ने बताए ।‘मुल्यबृद्धि धेरै भयो भन्ने गुनासो आएको छ, यसबारेमा म चाडै कुरा गर्छु,उनले भने ।’
