सोलुखुम्बु – सोलुखुम्बुको महाकुलुङ गाउँपालिका वडा नम्बर २ स्थित भुवा खोला मोटरेबल पुलको निर्माण कार्य ५० प्रतिशत सम्पन्न भएको छ ।
आज (सोमवार)गाउँपालिका प्रमुख सुर्य बहादुर कुलुङ र वडा अध्यक्ष प्रदिप कुलुङले निर्माणधिन पुलको अनुगमन गर्नुभएको हो ।
गत मंङिसर मसान्तबाट सुरु भएको उक्त पुल निर्माणको काम तिब्र गतिमा सञ्चालन भैरहेको पालिका प्रमुख सुर्य बहादुर कुलुङले बताउनुभयो ।
आर्थिक वर्ष २०७९/८० को बहुबर्ष योजना अन्तरगत कोशी प्रदेश सरकारबाट १ करोड र गाउँपालिकाबाट १ करोड ५० लाख बिनियोजित बजेटमा आरएन – एमबि साहल जेबि कटारी उदयपुर कम्पनीले ३ करोड ७९ हजार ७ सय ६४ रुपैयाँमा सक्ने गरी सम्झौता गरिएकोे वडा नम्बर १ का वडा अध्यक्ष प्रदिप कुलुङले जानकारी दिनुभयो ।
उहाँका अनुसार गाउँपालिकाको डि पि आरमा २५ दशमलप ६५ मिटरको चौडाइ ४ दशमलप २५ आर सि.सि को पक्की पुल चारैतर्फ पिलर गाडेर फाउन्डेसन उठाउने निर्माण कार्य भइरहेको छ ।
गाउँपालिकाले जेठ मसान्त सम्ममा पुल निर्माण कार्य सकेर सञ्चालन गर्ने लक्ष्य लिएको सहकर्मी झलक राईले जानकारी दिनुभयो ।
