सोलुखुम्बु – सोलुखुम्बुको सोलु दुधकुण्ड नगरपालिका–६ जैदु स्थित एक निजी वनमा डढेलो फैलिएको छ । स्थानीय शंखविर तामाङको उक्त वनमा आज बुधबार दिउँसोबाट डढेलो सुरु भएको जिल्ला प्रहरी कार्यालय सोलखुुम्बुले जनाएको छ ।
प्रहरी निरीक्षक राम चन्द्र शाहका अनुसार डढेलो नियन्त्रणका लागि प्रहरीसहित स्थानीयवासी सकृय भएका छन् । धेरै हदसम्म डढेलो नियन्त्रण भएपनि हावाका गतिका कारण पुर्ण रुपमा नियन्त्रण गर्न कठिन भएको उहाँको भनाइ छ ।
आगलागीको कारण खुल्न सकेको छैन । आगोले सल्ला, ठिङ्ग्रे, गोब्रे, गुँरास लगायतका रुखहरु जलेर नष्ट भएको स्थानीयले बताएका छन् ।