सोलुखुम्बु – चार दिन देखि उडान अबरुद्ध रहेको तेन्जिङ हिलारी विमान स्थलमा आजबाट उडान सुचारु भएको छ ।
मौसम अनुकुल भएसँगै विमानस्थलमा आज ६ वटा उडान भएका छन् । समिटले ४ र ताराले २ वटा उडान भरेको विमानस्थलले जनाएको छ ।
मौसममा प्रतिकुल हुँदा लुक्लामा रोकिएका करिब ६० जना पर्यटक तथा गाईड चार दिन पछि काठमाण्डौँ उडेका छन् । अहिले आधार शिविरबाट पर्यटक तथा उनका सहयोगी फर्किने क्रम जारी रहेको छ ।
यो वर्ष कोरोना महामारीका बिचमा पनि सगरमाथा आरोहण भएको थियो । उद्यपी, मौसममा आएको खराबीका कारण कतिपय आरोही आरोहण रद्ध गरेर फर्किएका छन् ।
