काठमाडाैँ: युरो कपको १६ औँ संस्करणको सेमिफाइनलमा पुग्ने टोलीको टुङ्गो लागेको छ । शनिबार रातिबाट क्वाटरफाइनलका खेलहरू सकिएसँगै सेमिफाइनलमा पुग्ने ४ टोलीको छिनोफानो भएको हो ।
यसपटकको युरो कपमा स्पेन, इटाली, डेनमार्क र इङ्ग्ल्यान्डले सेमिफाइनलमा स्थान सुरक्षित गरे ।शनिबार रातिको खेलमा डेनमार्कले चेक रिपब्लिकलाई २-१ ले र इंग्ल्याण्डले युक्रेनलाई ४-० ले पराजित गर्दै सेमिफाइनलमा स्थान बनाएका हुन् ।यी दुई टोली नै दोस्रो सेमिफाइनलमा प्रतिस्पर्धा गर्नेछन् ।
पहिलो सेमिफाइनलमा इटली र स्पेन भिड्नेछन् । इटली र स्पेनबीचको खेल जुलाई ६ मा तथा इग्ल्याण्ड र डेनमार्कबीचको खेल जुलाई ७ मा हुनेछ ।
दुवै खेल राति १२ : ४५ बजे बेलायतको लण्डनस्थित वेम्वली स्टेडियममा हुनेछन् ।
दुई सेमिफाइनल विजेताले उपाधिका लागि जुलाई ११ मा फाइनल खेल्नेछन् ।