सोलुखुम्बु : हातेमालो महिला सन्जाल र रावा बेसी गाउँपालिका वडा नं.– ५ दुबेकोल खोटाङको संयुक्त आयोजनामा तिज लक्षित कार्यक्रम गरिने भएको छ ।
हिन्दु नारीहरुको महान चाड हरितालिकातिजको अवसरमा हातेमालो महिला सन्जाल दुबेकोल र रावाबेरी गाउँपालिका वडा नं. ५ को आथिक सहयोगमा यहि भदौ ३० गते शनीबारका दिन तिज विशेष विभिन्न कार्यक्रम गरिने भएको हो ।
उक्त दिन संगिनीनाच, तिज गितमा खुल्ला लोकनृत्य र तिज शिर्षकमा खुल्ला कविता वाचन प्रतियोगिता गर्न लागिएको हातेमालो महिला सन्जालकी अध्यक्ष टीका पोखरेलले जानकारी दिनुभयो ।
मौलिक भेषभुषा र परम्परागत संस्कृतिलाई निरन्तरता दिने हेतुले सो कार्यक्रमको आयोजनामा वडाले पनि आर्थिक सहयोग गरेको वडा नंं ५ का वडा अध्यक्ष मोहन कुमार गुरुङले बताउनु भयो ।
साथै उक्त कार्यक्रमहरुमा प्रतियोगिहरुलाई सम्मान स्वरुप पुरस्कारहरुको व्यवस्था गरिएको हातेमालो महिला संजालकी सचिव देवी राईले जानकारी दिनुभयो ।
पुरस्कारहरुमा संगिनी नाचतर्फ प्रथम , द्धितिय र तृतिय हुनेलाई क्रमश: नगद रु.२५०० , २००० र १५०० ,लोक नृत्यतर्फ प्रथम , द्धितिय र तृतिय हुनेलाई क्रमश : नगद रु.२००० ,१५०० र १००० र कविता प्रतियोगितातर्फ प्रथम , द्धितिय र तृतिय हुनेलाई क्रमश : नगद रु १५०० , १००० र ५०० को व्यवस्था गरिएको छ ।
मौलिक चाडपर्वको संरक्षण गर्नु स्थानीय सरकारको दायित्व रहेकाले प्रतियोगताको आयोजना गरिएको जनाइएको छ । साथै यसो गर्नाले संस्कृति एक पुस्ताबाट अर्को पुस्तामा हस्तान्तरण हुने विश्वास लिइएको छ ।
