काठमाडौं- नेपालमा पछिल्लो २४ घण्टामा २ हजार ४७४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १२ हजार २३२ जनाको स्वाब परीक्षण गर्दा २ हजार ४७४ जनामा संक्रमण पुष्टि भएको हो ।
जसमध्ये ७ हजार २३५ जनाको पीसीआर परीक्षण गर्दा एक हजार ५७७ जनामा र चार हजार ९७७ जनाको एन्टिजन परीक्षण गर्दा ८९७ जनामा कोरोना संक्रमण पुष्टि भएको हो ।
त्यस्तै, पछिल्लो २४ घण्टामा कोरोनाबाट २४ जनाको मृत्यु भएको छ । योसँगै कोरोनाबाट मृत्यु हुनेको संख्या ८ हजार ९१८ पुगेको छ ।
पछिल्लो २४ घण्टामा २ हजार ५१८ जना संक्रमणमुक्त भएका छन् ।