सोलुखुम्बु – खोटाङको केपिलासगढी गाउँपालिकामा निशुल्क स्वास्थ्य शिविर सुरु भएको छ ।
काठमाण्डौँ मेडिकल कलेजको प्राविधिक सहयोगमा पालिकाले सुरु गरेको दुई दिने शिविरको आ सोमबार पहिलो दिन ८७५ जनाले स्वास्थ्य परिक्षण गराएका छन् ।
शिविरमा जनरल मेडिकल स्त्रीरोग, बाल रोग, शल्यकृया, मानसिक तथा नसा रोग, हाडजोर्नी, नशा, छाला तथा यौन, नाक कान, घाटी लगायतका सेवा प्रदान गरिएको गाँउपालिका अध्यक्ष समीर राईले बताए । उक्त शिविरमा दुर्गम भेगका ४ हजार जना नागरिक लाभान्वित हुने आँकलन गरिएको छ ।
जसका लागि मेडिकल कलेजका २६ जना डाक्टर तथा स्वास्थ्यकर्मीहरुको टिम खटिरहेको गाउँपालिकाले जनाएको छ ।
